Neste dibuxo, sacado do Google Earth, está situado o pobo actual de Corexido. Sto Estevo de Corexido.

Corexido é unha parroquia do Concello de A Veiga (Ourense), que xustamente queda o suroeste  de Albergueria. Alberguería estaba situada a pouco máis de 2.500 metros, xustamente. Ver o mapa. O que pasa é que mentras Alberguería estaba a 817 m. Corexido  está a 970, ou sexa moito máis alto.

Actualmente é un pobo marabilloso cunha paisaxe incrible e moito que ver o seu carón. Tiña e ten unha vista de privilexio de Alberguería, Preboubo e a presa.

Esto era o que contaba Madoz de Corexido:

En 1850 tiña polo tanto 30 veciños e vivian 120 persoas, non era pequeno dende logo. A Alberguería pasábase mediante unha ponte de madeira que estaba situada o dala curva a dous kms. da ponte de Alberguería de pedra. Co encoro quedaron aisladas as dúas beiras do río, outra falcatruada de Moncabril e os gobernantes daquela época dos anos cincuenta...condenados...

Corexido tiña no 2004 unha poboación de 18 veciños, para un total  de 2,61 Km2 (O concello tiña nesa época 1.318 habitantes  e un total de 290,45 Km2.). Hai que pensar que dende principio do século XX o Concello de A Veiga perdeu o 80% da población.

Repito o que dixen para Prada.

En 1900 a Veiga tiña 6.977 habitantes.  En 1950 6.357 hab. En 1991 soio 1.741 Hab. E cada verz menos. As explicacións desta perda está clara, a emigración galopante da zona, o movemento natural negativo, o avellentamento actual e a falta de recursos ou mal enfoque dos mismos.

Na miña opinión a zona é marabillosa, a gran descoñecida de Galicia e cuns recursos turísticos que hai que explotar con intelixencia e sin afectar o entorno que é o que hai.

Fonte do anterior:  Galicia en comarcas. Valdeorras. Ir indo. 2005.